Ráðinn til Sjó­vár

Í tilkynningu frá félaginu segir að Andri Már komi til Sjóvár frá hollenska bankanum ABN AMRO þar sem hann hafi starfað við áhættustýringu síðustu tvö árin. 

„Áður starfaði hann við fjárstýringu og áhættustýringu hjá tæknifyrirtækinu ASML í Hollandi um þriggja ára skeið, en ASML er stærsta fyrirtækið í Hollandi og eitt 20 stærstu fyrirtækja heims.

Andri Már er með BSc gráðu í fjármálaverkfræði frá Háskólanum í Reykjavík og MSc heiðursgráðu í fjármálum og áhættustýringu frá Vrije Universiteit Amsterdam.

Andri Már er í sambúð með Margréti Eddu Magnúsdóttur, nútímafræðingi og nema í hnattrænum fræðum og eiga þau eitt barn.

Andri Már hefur þegar hafið störf hjá Sjóvá,“ segir í tilkynningunni.