Viðskipti innlent

Verð­bólgan nær sömu hæðum og í janúar

Eiður Þór Árnason skrifar
Seðlabankinn gaf út í gær að stýrivöxtum bankans yrði haldið óbreyttum í 0,75%.
Seðlabankinn gaf út í gær að stýrivöxtum bankans yrði haldið óbreyttum í 0,75%. Vísir/Hanna

Síðastliðna tólf mánuði hefur vísitala neysluverðs hækkað um 4,3% og vísitala neysluverðs án húsnæðis um 4,8%. 

Ársverðbólga mælist því 4,3% í mars og hækkar um 0,2 prósentustig frá fyrri mánuði. Mælist hún nú jafnmikil og í janúar þegar ársverðbólga hafði ekki verið hærri í sjö ár.

Vísitala neysluverðs, miðuð við verðlag í mars 2021, hækkar um 0,49% frá fyrri mánuði. Vísitala neysluverðs án húsnæðis hækkar um 0,43% frá febrúar 2021.

Þetta kemur fram á vef Hagstofunnar. Reiknuð húsaleiga hækkaði um 0,9% (áhrif á vísitöluna 0,15%) frá fyrri mánuði og bensín og olíur hækkuðu um 4,0% (0,13%).

Fram kom á kynningu peningastefnunefndar Seðlabanka Íslands í gær að verðbólga hafi hjaðnað töluvert hægar en fyrri spár Seðlabankans gerðu ráð fyrir.

Seðlabankinn hafði í fyrri spám reiknað með að verðbólga færi ört lækkandi á fyrstu þremur mánuðum þessa árs en hún er enn 1,8 prósentustigum yfir 2,5% markmiði bankans.

Efnahagsmál Íslenska krónan Verðlag

Tengdar fréttir

Dregur úr verð­bólgu sem mælist nú 4,1 prósent

Ársverðbólga mælist 4,1 prósent nú í febrúar og er 0,2 prósentustigum lægri en í janúar þegar hún mældist 4,3 prósent. Verðbólga hafði verið á uppleið frá því í byrjun síðasta árs en í janúar í fyrra var tólf mánaða verðbólga 1,7 prósent. 

Verðbólga 4,3 prósent í janúar

Ársverðbólga nú í janúar mælist 4,3 prósent samkvæmt útreikningum Hagstofu Íslands, núll komma sjö prósentustigum meiri en hún mældist í desember þegar hún var 3,6 prósent.



Mest lesið


Fleiri fréttir

Sjá meira


×

Mest lesið