Þrjú mörk Kristínar dugðu ekki til og Frakkland og Króatía í undanúrslitin

Króatía vann sigur á Þýskalandi. Eftir að staðan var 12-12 í hálfleik gengu Króatarnir á lagið í síðari hálfleik og unnu að endingu, 23-20.

Króatía er því með átta stig í milliriðli tvö og fer því áfram úr milliriðli tvö með Noregi en Þýskaland er á leið heim.

Í milliriðli eitt eru Frakkar öruggir áfram eftir sigur á Svíum, 31-25. Staðan var einnig jöfn í þeim leik, 14-14, en Frakkarnir voru sterkari í síðari hálfleik.

Kristín Andrésdóttir skoraði þrjú mörk fyrir Svía. Isabelle Gullden var markahæst með fimm mörk en Estelle Nze Minko var markahæst í franska liðinu með sex mörk.

Frakkarnir eru með níu stig en Rússar og Danir berjast um síðasta sætið í undanúrslitunum síðar í kvöld er þau eigast við.