Fram að stinga af í Lengjudeildinni | Víkingur Ó. fjarlægist botnbaráttuna

Fram og Víkingur Ólafsvík unnu gríðar mikilvæga sigra í Lengjudeild karla í knattspyrnu í dag. 

Fram vann toppslaginn við Leikni Reykjavík með marki gegn engu. Þá unnu Ólsarar góðan 3-2 sigur á Magna Grenivík sem voru ekki búnir að tapa í þremur leikjum í röð.

Markamaskínan Alexander Már Þorláksson skoraði sigurmark Fram gegn Leikni Reykjavík á 18. mínútu leiksins er liðin mættust í Breiðholti. Leiknir R. hafði unnið fyrri leik liðanna og hefði farið á toppinn með sigri í dag. Gestirnir voru þó ekkert á því að láta toppsætið af hendi og unnu gríðar mikilvægan 0-1 útisigur.

Fram er sem fyrr á toppi Lengjudeildarinnar með 31 stig eftir 14 umferðir. Leiknismenn koma þar á eftir með 26 stig. Keflvíkingar sitja í 3. sæti með 24 stig líkt og ÍBV sem er í 4. sætinu. Keflavík á hins vegar tvo leiki til góða á toppliðin á meðan ÍBV á einn.

Á Ólafsvík var ljóst að ferðalagið hafði farið illa í Magnamenn sem voru lentir 3-0 undir strax í fyrri hálfleik. Emmanuel Eli Keke kom heimamönnum yfir eftir aðeins sex mínútna leik. Gonzalo Zamorano Leon skoraði annað mark Víkinga á 37. mínútu og aðeins mínútu síðar bætti Þorleifur Úlfarsson við þriðja markinu. Staðan því 3-0 í hálfleik.

Gestirnir minnkuðu muninn eftir klukkutíma leik. Þar var að verki Helgi Snær Agnarsson. Kristinn Þór Rósbergsson minnkaði muninn svo í 3-2 á 89. mínútu en nær komust þeir ekki. Lokatölur 3-2 Víking Ó. í vil og liðið nú komið fjórum stigum frá fallsæti.

Víkingur Ó. er nú með 15 stig í 9. sæti, fjórum stigum á undan Þrótti Reykjavík og Leikni Fáskrúðsfirði. Magni er á botni deildarinnar með 8 stig.Fram og Víkingur Ólafsvík unnu gríðar mikilvæga sigra í Lengjudeild karla í knattspyrnu í dag. Fram vann toppslaginn við Leikni Reykjavík með marki gegn engu. Þá unnu Ólsarar góðan 3-2 sigur á Magna Grenivík sem voru ekki búnir að tapa í þremur leikjum í röð.

Markamaskínan Alexander Már Þorláksson skoraði sigurmark Fram gegn Leikni Reykjavík á 18. mínútu leiksins er liðin mættust í Breiðholti. Leiknir R. hafði unnið fyrri leik liðanna og hefði farið á toppinn með sigri í dag. Gestirnir voru þó ekkert á því að láta toppsætið af hendi og unnu gríðar mikilvægan 0-1 útisigur.

Fram er sem fyrr á toppi Lengjudeildarinnar með 31 stig eftir 14 umferðir. Leiknismenn koma þar á eftir með 26 stig. Keflvíkingar sitja í 3. sæti með 24 stig líkt og ÍBV sem er í 4. sætinu. Keflavík á hins vegar tvo leiki til góða á toppliðin á meðan ÍBV á einn.

Á Ólafsvík var ljóst að ferðalagið hafði farið illa í Magnamenn sem voru lentir 3-0 undir strax í fyrri hálfleik. Emmanuel Eli Keke kom heimamönnum yfir eftir aðeins sex mínútna leik. Gonzalo Zamorano Leon skoraði annað mark Víkinga á 37. mínútu og aðeins mínútu síðar bætti Þorleifur Úlfarsson við þriðja markinu. Staðan því 3-0 í hálfleik.

Gestirnir minnkuðu muninn eftir klukkutíma leik. Þar var að verki Helgi Snær Agnarsson. Kristinn Þór Rósbergsson minnkaði muninn svo í 3-2 á 89. mínútu en nær komust þeir ekki. Lokatölur 3-2 Víking Ó. í vil og liðið nú komið fjórum stigum frá fallsæti.

Víkingur Ó. er nú með 15 stig í 9. sæti, fjórum stigum á undan Þrótti Reykjavík og Leikni Fáskrúðsfirði. Magni er á botni deildarinnar með 8 stig.