Vestmannaeyjar eru mesti titlabærinn á Íslandi samkvæmt höfðatölu

ÍBV tryggði sér bikarmeistaratitil karla um síðustu helgi og hefur ÍBV þar með unnið fimm stóra titla frá og með árinu 2017. Vísir skoðaði titlasöfnum bæjanna á Íslandi undanfarin ár út frá höfðatölu.

Vísir ákvað að skoða titlasöfnum bæjanna á Íslandi í karla- og kvennaflokki í þremur stærstu boltagreinunum, fótbolta, handbolta og körfubolta. Þetta eru Ísland- og bikarmeistaratitlar undanfarin fjögur ár.

Reykjavík er með flesta íbúa og líka flesta titla. Alls hafa Reykjavíkurfélögin unnið nítján titla á þessum tíma en það dugar þó ekki til að komast ofarlega á titlalistanum út frá höfðatölu. Þar eru Eyjamenn með „yfirburðarforystu“ ef svo má kalla.

Eyjamenn eru líka mikið bikarlið enda með fjóra bikarmeistaratitla í karla og kvennaflokki frá og með árinu 2017. Karlalið ÍBV á þrjá af fimm stóru titlum Vestmannaeyja frá 2017 en sumarið 2017 urðu bæði karla og kvennalið ÍBV í fótbolta bikarmeistari.

Það á auðvitað eftir að afhenda alla Íslandsmeistaratitla á árinu 2020 sem og bikarmeistaratitlana í fótboltanum. Það er því tími fyrir önnur bæjarfélög á Íslandi til að bæta sína stöðu á listanum.

Akureyringar gera síðan örugglega athugasemd við það að blak og íshokkí eru ekki talin í þessari samantekt með en með því myndi bærinn fá ellefu titla til viðbótar og komast upp í þriðja sætið. Vestmanneyingar myndu líka missa toppsætið til Neskaupstaðar en tveir titlar kvennaliðs Þróttar N. í blaki árið 2018 myndu kom þeim á toppinn með 735 íbúa á hvern titil.

Íbúar á hvern stóran titil í þremur stærstu boltagreinunum frá 2017 til 2020:

(Íslands- og bikarmeistarar karla og kvenna í fótbolta, handbolta og körfubolta)



Vestmannaeyjar (5 titlar)    864 íbúar á hvern titil

Borgarnes (1 titill)    2012 íbúar á hvern titil

Sauðárkrókur (1 titill)    2612 íbúar á hvern titil

Selfoss    (2 titlar)    4034 íbúar á hvern titil

Garðabær (4 titlar)    4039 íbúar á hvern titil

Reykjanesbær (3 titlar)    6219 íbúar á hvern titil

Reykjavík (19 titlar)    6709 íbúar á hvern titil

Hafnarfjörður (2 titlar)    14890 íbúar á hvern titil

Kópavogur (4 titlar)    18296 íbúar á hvern titil

Akureyri (1 titill)    18880 íbúar á hvern titil

Titlar sem voru teknir með í þessari samantekt

Íslandsmeistarar í knattspyrnu karla

2017 - Valur, Reykjavík

2018 - Valur, Reykjavík

2019 - KR, Reykjavík

Íslandsmeistarar í knattspyrnu kvenna

2017 - Þór/KA, Akureyri

2018 - Stjarnan, Garðabæ

2019 - Valur, Reykjavík

Bikarmeistarar í knattspyrnu karla

2017 - ÍBV, Vestmanneyjar

2018 - Stjarnan, Garðabæ

2019 - Víkingur, Reykjavík

Bikameistarar í knattspyrnu kvenna

2017 - ÍBV, Vestmanneyjar

2018 - Breiðablik, Kópavogur

2019 - Selfoss

Íslandsmeistarar í handbolta karla

2017 - Valur, Reykjavík

2018 - ÍBV, Vestmanneyjar

2019 - Selfoss

Íslandsmeistarar í handbolta kvenna

2017 - Fram, Reykjavík

2018 - Fram, Reykjavík

2019 - Valur, Reykjavík

Bikarmeistarar í handbolta karla

2017 - Valur, Reykjavík

2018 - ÍBV, Vestmanneyjar

2019 - FH, Hafnarfjörður

2020 - ÍBV, Vestmanneyjar

Bikameistarar í handbolta kvenna

2017 - Stjarnan, Garðabæ

2018 - Fram, Reykjavík

2019 - Valur, Reykjavík

2020 - Fram, Reykjavík

Íslandsmeistarar í körfubolta karla

2017 - KR, Reykjavík

2018 - KR, Reykjavík

2019 - KR, Reykjavík

Íslandsmeistarar í körfubolta kvenna

2017 - Keflavík, Reykjanesbær

2018 - Haukar, Hafnarfjörður

2019 - Valur, Reykjavík

Bikarmeistarar í körfubolta karla

2017 - KR, Reykjavík

2018 - Tindastóll, Sauðárkrókur

2019 - Stjarnan, Garðabæ

2020 - Stjarnan, Garðabæ

Bikameistarar í körfubolta kvenna

2017 - Keflavík, Reykjanesbær

2018 - Keflavík, Reykjanesbær

2019 - Valur, Reykjavík

2020 - Skallagrímur, Borgarnes