Ari Eldjárn rifjar upp eitt sitt skelfilegasta gigg

Í síðasta þætti af Framkoma á Stöð 2 fékk Fannar Sveinsson að fylgjast með þeim Sigmundi Erni Rúnarssyni, Ara Eldjárn og Eivør Pálsdóttur áður en þau stigu á svið.

Sigmundur var að undirbúa sig fyrir viðtal við Víði Reynisson yfirlögregluþjón, Eivør var að fara koma fram í München og Ari var að fara koma fram í þekktu uppistandi sínu milli jóla og nýárs, Áramótaskopið.

Ari rifjaði upp nokkuð eftirminnilegt gigg þegar hann var bókaður á Tapas-barinn og hélt hann að kúnninn hefði bókað allan staðinn.

Svo var heldur betur ekki og áttu Ari að flytja uppistand, án hljóðkerfis, og aðeins fyrir eitt borð.

Hann talar enn um að þetta hafi verið eitt af hans verstu giggum og upplifði eins og aðrir á staðnum væru ekki mikið spenntir fyrir að hlusta á hann. Eftir þetta spyr Ari ávallt nokkuð ítarlega um aðstæður þegar verið er að bóka hann á skemmtanir.

Hér að neðan má heyra söguna um verkefnið á Tapas-barnum í miðbæ Reykjavíkur.