Sportpakkinn: Sjáðu þrennur Kane og Ronaldo

Það var markaveisla í leikjum Englands og Portúgal í undankeppni EM 2020 í gærkvöld.

Harry Kane og Cristiano Ronaldo skoruðu báðir þrennu í leikjum sínum.

Guðjón Guðmundsson tók saman mörkin úr leikjunum í Sportpakkanum.

England vann 7-0 sigur á Svartfjallalandi á heimavelli og tryggði sætið á EM 2020 með stæl. Kane skoraði þrennu á tuttugu mínútna kafla í hálfleik.

Hin mörk Englendinga skoruðu Alex Oxlade-Chamberlain, Marcus Rashford, Tammy Abraham og Svartfellingar gerðu eitt sjálfsmark.

Portúgal vann 6-0 sigur á Litháen þar sem Ronaldo skoraði þrennu.

Hann er nú kominn í 98 landsliðsmörk og styttist óðum í að hann verði markahæsti landsliðsmaður allra tíma, en það er Íraninn Ali Daei sem skoraði 109 mörk á ferlinum.