Klippti á heyrnartól grunlausra vegfarenda en kom svo færandi hendi

YouTube-stjarnan Juan Gonzalez sem heldur úti YouTube-rásinni ThatWasEpic sem snýr að alls kyns hrekkjum og almennri vitleysu kom saklausum vegfarendum heldur betur í tilfinningalegan rússíbana í nýjasta myndbandinu, þó þeir hafi, út á við, virst halda ró sinni.

Gonzalez gekk á milli manna með skæri í hönd og klippti á heyrnartól þeirra. Sama hvort fólk var á ferðinni, við lestur eða annað. Fólk var undrandi og skildi lítið í gjörðum Gonzalez sem reyndi að útskýra af hverju hann hafi eyðilagt heyrnartólin, illa þó.

Gonzalez var þó ekki bara að vera með mikil leiðindi með því að skemma eigur annarra heldur kom hann færandi hendi og skipti klipptu heyrnartólunum út fyrir glæný þráðlaus AirPods heyrnartól frá Apple.

Sjá má myndbandið hér að neðan.