Styttu leið dagsins til þess að minnast unga hjólreiðamannsins sem lést

Það var ekki mikil stemning yfir fjórða deginum á Tour de Pologne í Póllandi eftir fréttirnar skelfilegu í gær er staðfest var að einn keppandinn hafi látist eftir slys.

Belginn, Bjorg Lambrecht, lést eftir árekstur við steypuklump er um 50 kílómetrar voru eftir af degi þrjú í gær.

Í dag tóku forráðamenn keppninnar þá ákvörðun um að stytta leið dagsins úr 173 kílómetrum niður í 133,7 kílómetra til þess að minnast Bjorg.

An emotional tribute to our @bjorg_lambrecht today. We can no longer see you with our eyes, but we will feel you in our hearts forever! pic.twitter.com/s4lBHVKSTq

— Lotto Soudal (@Lotto_Soudal) August 6, 2019

Mínútu þögn var haldinn í upphafi dagsins í dag og einnig á þeim stað sem atvikið átti sér stað í gær sem leiddi til dauða Belgans unga.

Fyrrum liðsfélagar Bjorg, hjá Lotto-Soudal, voru með sorgarbönd en Bjorg var talinn einn efnilegasti hjólreiðamaður Belga áður en atvikið hræðilega átti sér stað í gær.