Dagný skýtur á Geir: Virtist of upptekinn fyrir eitthvað annað

Dagný Brynjarsdóttir, leikmaður íslenska kvennalandsliðsins og Portland Thorns, segir að Guðni Bergsson hafi staðið sig betur gagnvart kvennalandsliðinu en forveri hans Geir Þorsteinsson.

Ársþing KSÍ fer fram á laugardaginn en Guðni og Geir berjast þar um formannsstólinn. Guðni hefur verið formaður í tvö ár en Geir hafði verið lengi formaður KSÍ áður en hann steig til hliðar.

Geir og Guðni mættust í kappræðum á Stöð 2 Sport í kvöld og fram fóru líflegar umræður á Twitter. Ein þeirra sem tók þátt í umræðunni var Dagný Brynjarsdóttir og hún horfir, virðist vera, frekar til Guðna en Geirs.

„Þau 8 ár sem èg spilaði með A-landsliði kvenna var Guðni í töluvert meiri samskiptum við kvennaliðið. Geir virtist of upptekinn fyrir eitthvað annað öll 7 árin á undan. Guðni líka góð manneskja, splæsti á ólèttu mig á Lemon þegar posarnir lágu niðri.“

Dagný hefur spilað 76 landsleiki og skorað í þeim 22 mörk.

Þau 8 ár sem èg spilaði með A-landsliði kvenna var Guðni í töluvert meiri samskiptum við kvennaliðið. Geir virtist of upptekinn fyrir eitthvað annað öll 7 árin á undan. Guðni líka góð manneskja, splæsti á ólèttu mig á Lemon þegar posarnir lágu niðri! #KSIformadur

— Dagný Brynjarsdóttir (@dagnybrynjars) February 6, 2019