Forsetafrúin birtir bréf sem hún ritaði til Guðna

Dagur íslenskrar tungu er í dag, þann 16. nóvember á fæðingardegi skáldsins Jónasar Hallgrímssonar. Haldið verður upp á daginn með ýmsu móti víða um land og ein þeirra sem fagnar deginum er Eliza Reid forsetafrú.

Í færslu á Facebook-síðu sinni birtir Eliza bréf sem hún ritaði til Guðna Th. Jóhannessonar, eiginmanns síns, í september 1999. Eliza segir frá því að bréfið sé það fyrsta sem hún skrifaði á íslensku.

„Ég samdi það ung að árum, 23 ára gömul, þegar ég kynntist Guðna og vildi heilla hann með málsnilld minni. Ég vissi ekki alveg hvað það var ég sem setti saman en ég átti gamla bók með orðatiltækjum á íslensku og ensku (þetta var fyrir daga gúgglþýðinga) og þannig tókst mér að hnoða þessu saman. Hann var hér á Íslandi, ég að vinna úti á Englandi, og með bréfinu fylgdu nokkrar ljósmyndir, væntanlega frá ferð okkar um Snæfellsnes sumarið áður,“ segir Eliza í færslu sinni en bréfið er svohljóðandi:

Kæri vinur Guðni, Þau eru ljósmyndirnar. Að mínu áliti, þau eru gott. Íslanzka mín er ekki gott, nema vaninn gefur listina. Eigi að siður, ég hef miklar mætur á enskri tungu. Berðu fjölskylda þín kveðju mína. Virðingafyllst og með ást.