Stormy Daniels að skilja við eiginmanninn

Klámstjarnan Stormy Daniels, sem heitir réttu nafni Stephanie Clifford, og eiginmaður hennar Glendon Crain hafa ákveðið að skilja. Lögmaður Daniels, Michael Avenatti, tilkynnti um þetta í gær og er meðal annars fjallað um málið á vef New York Times.

Eins og frægt er orðið fékk Daniels greidda 130 þúsund dali frá Michael Cohen, lögmanni Donalds Trump, Bandaríkjaforseta, einum mánuði fyrir forsetakosningarnar árið 2016.

Greiðslan var vegna samkomulags um að hún myndi ekki segja frá því að hafa stundað kynlíf með Trump árið 2006 en fyrr á þessu ári krafði forsetinn Daniels um 20 milljónir Bandaríkjadala fyrir að hafa brotið samkomulagið.

Daniels og Crain eiga saman sjö ára gamla dóttur en þau giftu sig árið 2015. Samkvæmt slúðursíðunni TMZ hafði Crain sakað Daniels um framhjáhald og á hann að hafa fengið nálgunarbann samþykkt á hana.

My client Stormy Daniels and her husband Glen have decided to end their marriage. A petition for divorce was filed last week, the accuracy of which is vehemently disputed. Stormy's daughter remains her number one priority. She kindly asks for privacy for the sake of her family.

— Michael Avenatti (@MichaelAvenatti) July 23, 2018