Rúnturinn hjá Adam Levine og Corden breyttist í kappaksturskeppni

James Corden og Adam Levine skelltu sér saman á rúntinn í dagskráliðnum vinsæla Carpool Karaoke á dögunum og keyrðu þeir saman um Los Angeles.

Rúnturinn var heldur betur óvanalegur en þeir voru til að mynda stöðvaðir af lögreglunni. Levine sýndi leyndan hæfileika en hann virðist vera með ótrúlega gott jafnvægi.

Að endingu fóru þeir í kappaksturskeppni og þurfti söngvarinn að svara erfiðum spurningum meðan hann ók bifreiðinni.

Adam Levine er þekktastur fyrir það að vera aðalsöngvarinn í sveitinni Maroon 5 og einnig er hann dómari í skemmtiþáttunum The Voice.