Ásmundur til Landsnets

Landsnet hefur ráðið Ásmund Bjarnason í starf forstöðumanns upplýsingatækni. Hann mun stýra uppbyggingu og þróun á upplýsingakerfum Landsnets.

Í tilkynningu frá Landsneti kemur fram að Ásmundur sé menntaður rekstrarverkfræðingur M.Sc. frá Álaborgarháskóla og tölvunarverkfræðingur frá HÍ.

Ásmundur hefur undanfarið ár starfað við upplýsingatækniráðgjöf hjá KPMG á Íslandi og þar á undan var hann forstöðumaður upplýsingatækni hjá Sjóvá.

Haft er eftir Ásmundi að framundan sé spennandi tími og sé hann fullur tilhlökkunar. „Hjá Landsneti starfar öflugur hópur af fólki sem ég hlakka til að vinna með að þeim fjölbreyttu verkefnum sem ekki síst snúa að því að tryggja gæði og öryggi upplýsingatækni- og fjarskiptakerfa Landsnets til framtíðar.“