uTorrent nýtir tölvur til að grafa eftir LiteCoin

Nýrri uppfærslu torrentforritsins uTorrent fylgir óboðinn gestur í formi smáforrits sem heitir Epic Scale. Með því geta tölvur notenta uTorrent verið notaðar af þriðja aðila til að grafa eftir rafmynt. Það nýtir hluta vinnslugetu tölva og hægir á þeim.

Rafmyntin Litecoin er nokkurs konar afsprengi Bitcoin.

Á vefnum Engadget segir að notendur hafi tekið eftir því að tölvur þeirra hafi hægt á sér og fundið Epic Scale, sem keyrði í bakgrunni tölvanna. Forritið fylgir nýjustu útgáfu uTorrent, 3.4.2.

Talsmaður BitTorrent, móðurfyrirtækis uTorrent segir við vefinn Verge að uppsetning Epic Scale væri hluti af uTorrent, en hún væri háð leyfis eiganda tölvunnar. Ljóst er þó að margir notendur uTorrent hafi ekki orðið varir við uppsetningu Epic Scale. BitTorrent hefur sagt þeim notendum að fjarlæga Epic Scale úr tölvum sínum.