Lífið

Innlit til Manuelu í París

Ellý Ármanns skrifar
myndir/blogg Manuelu
Meðfylgjandi má sjá myndir af íbúðinni þar sem Manuela Ósk Harðardóttir dvelur í 19. hverfi í París í Frakklandi. Spurð hvað kostar að leigja þessa glæsilegu tveggja herbergja íbúð á besta stað í borginni segist Manuela ekki vilja gefa það upp. 

Manuela skrifar eftirfarandi á bloggið sitt:  

„Myndirnar segja nánast allt sem segja þarf, ekki satt?  Hún er staðsett í 19. hverfi Parísarborgar – en það hverfi hefur verið í mikilli uppbyggingu síðustu ár – og þykir nú frekar móðins. Það eru samt slæmir staðir hér, eins og annars staðar – þannig að maður þarf alltaf að passa sig. Metro-stöðin er líka einu skrefi frá útidyrahurðinni – sem er frábært!

Íbúðin er 2 svefnherbergi – annað með RISA skápum –  eldhús með glænýjum græjum, borðstofa, stofa og 2 baðherbergi, sturta og baðkar. Hún er stútfull af fallega hönnuðum húsgögnum – og veggir og loft eru skreytt rósettum, sem er svo rómantískt, fallegt og Parísarlegt!  Innifalið í leigunni er svo hiti, rafmagn, WiFi, sjónvarp og innanlandssími.

Eigendurnir eru líka súper almennileg og tóku á móti okkur með rósavínflösku og mat í ísskápnum þegar við mættum, þreyttar eftir ferðalagið. Rósavínið er reyndar ennþá í ísskápnum – en sætt af þeim engu að síður …

Ég fann íbúðina á www.airbnb.com – og get sterklega mælt með henni – ef einhver er á leið til Parísar og vantar draumaíbúð á góðum stað.“

Manuela starfar í tískuhúsi franska fatahönnuðarins Soniu Rykiel á vegum Listaháskóla Íslands þar sem hún stundar nám í fatahönnun.

Flugfélagið Wow bauð Manuelu á tónleika Ásgeirs Trausta í París í gærkvöldi. Uppselt var á tónleikana.
Hús og heimili


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.