Helgarmaturinn - Bruschetta Duo

Arnar Már Guðmundsson, yfirkokkur á Laundromat Cafe á Austurbrú í Kaupmannahöfn er hér með dýrindis bruchetta uppskrift með geitaosti og heimagerðu salsa. 

Hráefni

Geitaostur,

mozzarella,

parmesan,

2 paprikur,

tómatar í dós,

1-2 chilialdin,

1 stk. lime,

ciabatta-brauð,

rjómaostur,

hvítlaukur,

basilíkubúnt,

myntubúnt

Heimagert salsa

2 paprikur, 

1 dós tómatar, 

3 hvítlauksgeirar, 

1 tsk. mexican-krydd, 

1 tsk. reykt paprikukrydd, 

2 laukar, 

1 chllialdin, 

1 lime



Paprikurnar eru grillaðar í ofni við 200 gr. í u.þ.b. 10 mínútur þar til þær eru svartar að utan. Látið þær svo í poka og inn í frysti. Eftir 10 mínútur er pokinn tekinn út og fræin skafin úr og skinnið plokkað af þeim. 

Léttsteikið laukana í potti, hellið tómötunum yfir og bætið paprikunni út í. Kryddið til og saltið eftir þörfum og kreistið safa úr einu lime yfir. Maukið sósuna með töfrasprota.

Aðferð

Ciabatta-brauð skorið í tvennt. Penslið brauðið með olíu og ristið í ofni á 180 gr. í um 5 mínútur. Á annan helminginn setið þið salsað og geitaost í skífum. Á hinn setið þið rjómaost og bætið chorizo á eftir þörfum.

Grillist í ofni í 210 gráður á yfirhita í u.þ.b. 2-5 mín. Yfir geitaostsbruschettuna er gott að setja myntulauf, þau smellpassa á móti reykta sterka bragðinu.