Pattison sagði Kristen Stewart upp fyrir Golden Globe

Breski slúðurmiðillinn The Sun greinir frá því að leikarinn Robert Pattinson hafi hætt með kærustu sinni Kristen Stewart um helgina. Stewart ku hafa flogið til Los Angeles til að fara með Pattinson á Golden Globe-hátíðina en hann hafi stoppað hana af. Þau fóru á hátíðina hvort í sínu lagi. Vinir og fjölskylda Pattinson hafa löngum hvatt hann til að taka ekki saman við Stewart aftur eftir að hún hélt fram hjá honum í sumar. Þá hætti parið saman en tók svo saman aftur í haust. Samkvæmt heimildum The Sun bað Pattinson Stewart um að setja sambandið í bili á ís og halda áfram að vera vinir. Þau hafa verið saman síðastliðin fjögur ár.