Lífið

Peter O'Toole minnst

Einn ástsælasti leikari Hollywood, Peter O'Toole lést í gær, 81 árs gamall.



Hann var einna þekktastur fyrir hlutverk sitt sem Arabíu-Lárens í samnefndri kvikmynd frá árinu 1962 í leikstjórn Sir Davids Lean.

Hann fékk átta tilnefningar til Óskarsverðlauna fyrir aðalhlutverk og hefur enginn leikari fengið jafn margar slíkar tilnefningar án þess að hljóta verðlaunin. Auk þess hlaut hann 11 tilnefningar til Golden Globe-verðlaunanna, Emmy-verðlaun og fjórar tilnefningar til BAFTA verðlaunanna.

O'Toole fór ekki í grafgötur með vonbrigði sín með að hljóta aldrei verðlaunin. „Nei það er ekki nóg,“ sagði hann í viðtali við New York Times árið 2011, þegar hann var spurður hvort tilnefningar væru nægur heiður. „Mér leiðast þessar tilnefningar. Að vera í öðru sætir er ekki það sama og að vinna,“ sagði O'Toole.

Hann hlaut þó heiðursóskarsverðlaun árið 2003. „Heiðursverðlaun? Ég vil ekki vera heiðraður fyrir neitt. Ég vil vinna fyrir mínu,“ sagði leikarinn í viðtalinu við Times. „Kommon, þetta er brandari. Einn stór brandari. Átta sinnum? Það á ekki að vera hægt.“

Í fyrstu neitaði O'Toole að taka við heiðursverðlaununum þar sem hann var á svipuðum tíma að leika í mynd sem hann vonaðist til þess að fá Óskarinn fyrir.

Leikarinn settist í helgan stein í fyrra, og þó síðustu árin hafi hann ekki látið mikið að sér kveða má ekki gleyma framlagi hans til kvikmyndasögunnar.

Hér eru nokkur af bitastæðustu hlutverkum leikarans.



Lawrence of Arabia (1962)



How to steal a million (1966)



Goodbye, Mr. Chips (1969)



The Stunt Man (1980)



My favourite year (1982)



The Last Emperor (1987)



Troy (2004)



Venus (2006)

Golden Globes


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.