Fabregas verður ekki seldur

Það er búið að orða Cesc Fabregas mikið við England síðustu daga og þá hefur hann sérstaklega mikið verið orðaður við Man. Utd.

Sérfræðingur Sky Spors í spænska boltanum, Guillem Balague, segir þó ekkert hæft í þessum orðrómi. Fabregas verði áfram hjá Barcelona.

Balague segir að þessar fréttir séu að koma Fabregas sjálfum mikið á óvart enda hafi félagið tjáð honum að það ætli sér ekki að selja hann.

"Það kostar litlar 171 milljónir punda að kaupa samninginn hans upp og það mun enginn gera," sagði Balague.