Atletico er til í að fá Torres heim

Atletico Madrid hefur lýst yfir áhuga sínum á því að fá Fernando Torres aftur til félagsins. Það á síðan eftir að koma í ljós hvort félagið hefur efni á honum.

Þjálfari liðsins, Diego Simeone, hefur látið í það skína að félagið muni gera tilboð í Torres í sumar.

"Fernando er að spila með öðru félagi núna en við sjáum hvað gerist í sumar. Fernando veit allt um það hvernig er að spila hérna. Við lékum saman hérna á sínum tíma og ég veit hversu mikilvægur hann getur verið," sagði Simeone en þeir léku saman hjá Madrid frá 2003 til 2005.

Það er líklegt að Atletico muni missa Radamel Falcao í sumar og ef svo fer þá er hermt að félagið muni nota hluti af þeim peningum til þess að kaupa Torres.