Reina gæti farið til Barcelona næsta sumar

Forráðamenn Barcelona ætla leggja mikla áherslu á að fá Pepe Reina, markvörð Liverpool, til liðsins næsta sumar en fregnir bárust af því í síðustu viku að Victor Valdes, núverandi markvörður liðsins, myndi líklega ekki skrifa undir nýjan samning við Barcelona.

Samningur Valdes rennur út eftir tímabilið og hefur hann sterklega gefið til kynna að hann ætli ekki að skrifa undir annan samning við Barca.

Reina er alinn upp hjá Barcelona og þykir líklegasti kandídatinn til að leysa Valdes af hólmi.