Ronaldo: Megum ekki tapa fleiri stigum

Leikmenn Real Madrid sýndu það um helgina að þeir eru ekki dauðir úr öllum æðum. Þá völtuðu þeir yfir Deportivo, 5-1, þar sem Cristiano Ronaldo skoraði þrennu.

Þessi frammistaða ætti að veita leikmönnum sjálfstraust fyrir leikinn gegn Barcelona sem fer fram næsta sunnudag.

"Liðið okkar er gott og við vitum að við megum ekki tapa fleiri stigum," sagði Ronaldo en munurinn á Barcelona og Real er þegar orðinn átta stig í deildinni.

Real dugir því ekkert annað en sigur um næstu helgi.

"Við vitum vel að það verður erfiður og flókinn leikur. Við verðum að vera einbeittir og hafa trú á því að við munum spila vel."