Helgaruppskriftin - Rabarbarapæ með kaffinu

"Ég hef verið svo heppin að fá rabarbara frá vinkonu minni síðustu ár. Ég hef skorið hann niður og fryst í litlum pokum og get því unað mér rabarbarapæ yfir veturinn. Mér þykir þetta rabarbarapæ best heitt með góðum vanilluís og baka það oft þegar mig langar að bjóða upp á góðan eftirrétt eða til að hafa með kaffinu," segir Svava Gunnarsdóttir sem heldur úti heimasíðunni Ljufmeti.com og á Facebook, facebook.com/ljufmeti, en þar deilir hún einföldum og skemmtilegum uppskriftum.

Rabarbarapæ

500 gr rabarbari

2 msk kartöflumjöl

0,5 - 0,75 dl kanilsykur



Deig

3,5 dl hveiti

1 dl kókosmjöl

1 dl sykur

150 gr smjör eða smjörlíki

Hitið ofninn í 200°. ­Skerið ­rabarbarann í 1/2 cm ­þykkar sneiðar og leggið í botninn á eldföstu móti. Stráið kartöflumjöli og kanilsykri yfir.

Blandið hveiti, sykri og kókosmjöli í skál. Skerið smjörið í litla bita og bætið í skálina. ­Blandið smjörinu saman við þurr­efnin með höndunum þar til það myndast litlir kögglar og gróf mylsna. Dreifið deiginu yfir rabarbarann og bakið í miðjum ofni í u.þ.b. 20 mínútur.