Halda strákarnir hans van Bommel ekki með liði pabba síns á móti Barca?

Mark van Bommel, miðjumaður AC Milan og fyrrum leikmaður Barcelona, var að sniglast í kringum æfingu Barcelona á San Siro á þriðjudagskvöldið en kvöldið eftir gerðu liðin markalaust jafntefli í fyrri leik sínum í átta liða úrslitum Meistaradeildarinnar.

Ástæðan fyrir heimsókn Van Bommel var þó örugglega ekki að njósna um Börsunga heldur að verða við óskum tveggja sona sinna sem vildu endilega fá að sjá stjörnur Barcelona-liðsins í návígi.

Mark van Bommel er giftur Andra sem er dóttir Bert van Marwijk, landsliðsþjálfar Hollendinga. Þau eiga saman þrjú börn, dótturina Renée og synina Thomas og Ruben.

Thomas og Ruben mættu báðir í Barcelona-treyjum á æfinguna þrátt fyrir að faðir þeirra hafi ekki spilað með Barcelona í sex ár og sé að reyna að hjálpa til við að slá liðið út úr Meistaradeildinni.

Van Bommel hélt sjálfur með Barcelona þegar hann var yngri og á þessu lítur út fyrir það að drengir hans haldi nú einnig með spænsku meisturunum. Það eru því örugglega nokkrir sem velta því sér hvort strákarnir hans van Bommel haldi nokkuð með pabba sínum í þessum leikjum milli AC Milan og Barcelona.

Hér fyrir ofan má sjá myndir af æfingu Barcelona og þar má sjá Mark van Bommel og syni hans íklædda Barcelona-treyjum. Þeir sjást fyrst eftir að um 45 sekúndur eru liðnar af myndbandinu.