Heimsins stærsti iPod hátalari - iNuke

Hljómburðarunnendur geta fagnað því raftækjaframleiðandinn Behringer hefur opinberað stærsta iPod hátalara veraldar. Tækið er rúmlega 400 kíló að þyngd og kostar tæpar 4 milljónir íslenskar krónur.

Hátalarinn var opinberaður á CES tækniráðstefnunni en hún hófst í gær. Hann er kallaður iNuke.

iNuke hátalarinn státar af tveimur 45 sentímetra bassakeilum og báðar eru 3.000 vött.

Framleiðendur iNuke segja að þeir sem vilja fjárfesta í góðum hljómburði geti vart horft framhjá hátalaranum. Þeir viðurkenna þó að hátalarinn sé ekki hentugur öllum.