Barcelona búið að skora 53 mörk í röð á Camp Nou

Það er líklega ekki til erfiðari leikur í dag en að heimsækja Evrópumeistara Barcelona á Camp Nou og tölfræðin í síðustu tólf heimaleikjum Barca sýnir það svart á hvítu. Barcelona vann 4-0 sigur á Osasuna í spænska bikarnum í fyrsta heimaleik ársins og tóku Börsungar þar upp fyrri yðju á Nývangi sem er að skora fullt af mörkum án þess að fá á sig mark.

Barcelona-liðið hefur nú haldið hreinu í tólf heimaleikjum í röð í öllum keppnum eða öllum heimaleikjum sínum frá því að liðið gerði 2-2 jafntefli við AC Milan í Meistaradeildinni 13. september.

Barcelona hefur því haldið hreinu í 1080 mínútur og á sama tíma hefur liðið skorað 53 mörk í röð án þess að andstæðingar þeirra hafi náð að svara fyrir sig.

34 markanna hafa komið í 8 deildarleikjum, 13 í tveimur bikarleikjum og loks 6 þeirra í tveimur Meistaradeildarleikjum. Osasuna hefur komið tvisvar á Nývang á þessum tíma og hefur tapað þeim tveimur leikjum samanlagt 0-12.



Síðustu þrettán heimaleikir Barcelona:

Bikarinn - 4. janúar - Osasuna 4-0 sigur

B - 22. desember - L'Hospitalet 9-0 sigur

Meistaradeildin - 6. desember - BATE Borisov 4-0 sigur

Deildin - 3.desember - Levante 5-0 sigur

D - 29. nóvember - Rayo Vallecano 4-0 sigur

D - 19. nóvember - Real Zaragoza 4-0 sigur

D - 29. október - Mallorca 5-0 sigur

D - 22. október - Sevilla 0-0 jafntefli

M - 19. október - Viktoria Plzen 2-0 sigur

D - 15. október - Racing Santander 3-0 sigur

D - 24. sepetember - Atlético Madrid 5-0 sigur

D - 17. september - Osasuna 8-0 sigur

M - 13. september - AC Milan 2-2 jafntefli