Amazon svarar gagnrýni

Uppfærsla á stýrikerfi Kindle Fire, einum helsta keppinauti spjaldtölvunnar iPad, er væntanleg. Talsmaður vefverslunarinnar Amazon staðfesti þetta í dag en spjaldtölvan hefur verið harðlega gagnrýnd fyrir að fara frjálslega með persónuupplýsingar notenda sinna.

Þó svo að gagnrýnendur hafi verið afar jákvæðir í garð Kindle Fire hafa notendur lýst óánægju sinni með snertiskjá tölvunnar. Notendur hafa einnig gagnrýnt Amazon fyrir að hafa opinn aðgang að leitarsögu netvafra tækisins.

Talsmaður Amazon, Kinley Pearsall, sagði í dag að uppfærslan myndi taka á þessum vandamálum. Snertiskjár Kindle Fire verður mun notendavænni eftir uppfærsluna og notendur fá loks vald yfir netvafranum.

Tæknifyrirtæki hafa lengi reynt að stemma stigum við gríðarlegum vinsældum iPad spjaldtölvunnar sem tölvurisinn Apple opinberaði árið 2009.

Þó svo að Amazon hafi ekki gefið upp sölutekjur sínar síðan Kindle Fire fór sölu er talið að nú sé loks kominn álitlegur keppinautur við iPad. Fyrir stuttu var þó opinberað að Kindle Fire væri vinsælasta spjaldtölva Kindle-vörulínunnar.