Tilkynntu fyrir mistök um andlát Steve Jobs

Bandaríska fréttastofan CBS tilkynnti fyrir mistök um andlát Steve Jobs á Twitter síðu fréttastofunnar. Jobs var forstjóri Apple en hann hætti störfum fyrir skömmu vegna þrálátra veikinda, en hann hefur barist við krabbamein.

Skömmu eftir að færslan var birt var hún fjarlægð af síðunni. Skömmu síðar mátti lesa aðra færslu á Twitter þar sem stóð að fregnir af andláti Jobs væru gjörsamlega óstaðfestar.

Þrátt fyrir að fregnir af ótímabæru andláti fyrrverandi forstjórans hafi verið fjarlægð skömmu eftir birtingu, er enn hægt að nálgast færsluna víðsvegar á Twitter.