Real Madrid tapaði fyrir Levante

Real Madrid tapaði sínum fyrsta leik á tímabilinu gegn Levante í spænsku úrvalsdeildinni, en leiknum lauk með 1-0 sigri heimamanna.

Leikur Real Madrid var arfaslakur í dag og ekkert virtist ganga upp hjá leikmönnum liðsins, en það fór oft á tíðum verulega í taugarnar á stórstjörnunum.

Arouna Koné, leikmaður Levante, gerði eina mark leiksins tuttugu mínútum fyrir leikslok.

Barcelona vann Osasuna 8-0 í gær og eru með sjö stig í öðru sæti deildarinnar, en Valencia er eina liðið í spænsku úrvalsdeildinni sem hefur unnið alla þrjá leikina sína og erum með níu stig.

Real Madrid er í fjórða sæti deildarinnar með sex stig eftir leiki helgarinnar.



Öll úrslit dagsins:

Getafe - Rayo Vallecano 0-1

Zaragoza - Espanyol 2-1

Atletico Madrid - Racing Santander 4-0

Levante - Real Madrid 1-0