Sörur

Sörur

3 stk eggjahvítur

3¼ dl flórsykur

200 g hakkaðar möndlur eða heslihnetur

Hjúpur:250 g suðusúkkulaði eða hjúpsúkkulaði (þarf jafnvel meira

1 msk olía

Krem

150 g mjúkt smjör

¾ dl vatn

¾ dl sykur

1 msk kakóduft

1 tsk kaffiduft (má sleppa)

3 stk eggjarauður

Aðferð

Stífþeytið eggjahvíturnar og blandið hökkuðum mödlum eða heslihnetum saman við. Setjið með skeið á bökunarpappír og lagið til. Bakið við 175°C í 8-10 mín, eða þar til kökurnar eru fallega brúnar.

Krem

Sjóðið saman sykur og vatn þar til seigt. Þeytið eggjarauðurnar. Hellið sykursírópinu hægt og varlega saman við eggjarauðurnar og hrærið vel á meðan. Kælið. Hrærið smjörninu saman við smám saman. Hrærið kakóinu saman við að síðustu.

Samsetning

Bræðið súkkulaðið yfir vatnsbaði og hrærið olíunni saman við. (Olían er notuð til þess að fá súkulaðið til að glansa). Smyrjið kremi á botninn, kælið og dýfið í bráðið súkkulaðið. Best er að geyma Sörurnar í frysti og bera þær fram beint þaðan.