Van der Vaart íhugar að fara frá Real Madrid

Rafael van der Vaart segir að vel komi til greina að fara frá Real Madrid nú í sumar en hann hefur verið orðaður við Chelsea.

Van der Vaart kom til félagsins frá Hamburg síðastliðið sumar en hefur gengið illa að vinna sér sæti í byrjunarliði Real Madrid á tímabilinu.

Guus Hiddink, núverandi stjóri Chelsea, er sagður hafa áhuga á Van der Vaarr en þeir eru báðir Hollendingar.

„Það er mikill heiður að Guus Hiddink skuli hafa áhuga á manni því hann er einn af þeim bestu. En ef landsliðssæti mitt er í hættu verð ég að íhuga að fara frá Real Madrid."