Erlent

Hryllingshúsið í Austur­ríki

Óli Tynes skrifar
Josef Fritzl
Josef Fritzl

Ýmsar hræðilegar staðreyndir hafa þegar komið í ljós við rannsókn á máli austurríska föðurins sem lokaði dóttur sína niðri í kjallara í 24 ár. Margt er enn óupplýst en hinn 73 ára gamli Josef Fritzl hefur þegar viðurkennt ódæðisverk sín í stórum dráttum.

Árið 1984 gabbaði hann Elísabetu dóttur sína niður í kjallarann á fjölbýlishúsinu þar sem fjölskyldan bjó. Elísabet var þá 18 ára gömul. Hann gaf henni svefnlyf og handjárnaði hana. Neyddi hana svo til að skrifa fjölskyldunni bréf þar sem hún sagðist hafa hlaupist á heiman og bað um að ekki yrði leitað að sér.

Baðherbergið.

Nauðgaði hvenær sem hann vildi

Josef gaf út að hún hefði líklega gengið í sértrúarsöfnuð. Sannleikurinn var þó sýnu verri. Hann hafði innréttað gluggalaust fangelsi í kjallaranum og falið innganginn svo vel að í 24 ár grunaði engan neitt. Lögreglan telur að eiginkona Jósefs hafi ekkert um þetta vitað.

Hjá Elísabet tóku við tuttugu og fjögur skelfileg ár. Faðir hennar kom niður í kjallarann til hennar og nauðgaði henni hvenær sem hann fann hjá sér þörf. Í tuttugu og fjögur ár sá hún ekki dagsljós.

Börnin

Elísabet ól sjö börn í fangavistinni. Eitt þeirra dó og Josef viðurkenndi fyrir lögreglunni að hann hefði brennt líkið. Yngsta barnið sem lifir er nú fimm ára en það elsta er nítján ára. Þrjú barnanna geymdi Josef í dýflissu sinni með Elísabetu. Það voru hin nítján ára gamla Kerstin, Stefán sem er átján ára og Felix sem er fimm ára.

Þrjú önnur tók hann inn á heimili sitt og eiginkonu sinnar. Það voru Lisa sem er 15 ára, Monica sem er 14 ára og Alexander sem er tólf ára. Alexander átti sér tvíburabróður. Það var barnið sem dó. Josef lét Elísabetu skrifa bréf með börnunum þar sem hún sagðist ekki geta alið önn fyrir þeim.

Inngangurinn í fangelsið.

Uppljóstrunin

Fyrr í þessum mánuði varð elsta telpan í prísundinni svo alvarlega veik að Jósef fór með hana á sjúkrahús. Læknar þar vildu fá frekari upplýsingar og lögreglan bað hina "týndu" móður, Elísabetu að gefa sig fram.

Josef sleppti þá Elísabetu, Stefáni og Felix upp úr kjallaranum. Og í dag játaði hann á sig brot sín.

Mál Josef Fritzl Austurríki

Tengdar fréttir

Faðerni staðfest í Austurríki

DNA próf hafa sýnt framá að Josef Fritzl er faðir allra barnanna sem Elísabet dóttir hans ól í 24 ára fangavist sinni.

Af hverju grunaði engan neitt í Austurríki?

Josef Fritzl átti sjálfur fjölbýlishúsið í bænum Amstetten, sem telur 23 þúsund íbúa. Hann bjó ásamt fjölskyldu sinni í einni íbúðinni en leigði ættingjum sínum hinar.

Skyggnst í sjúkan hug Fritzl

Lið lögreglu, lækna og fólks sem þekkir hinn austurríska Josef Fritzl vinnur nú að því að skilgreina hvernig honum tókst að lifa algjörlega tvöföldu lífi í austurríska smábænum Amstetten

Eiginkona Fritzl yfirheyrð í dag

Austurríska lögreglan ætlar að yfirheyra eiginkonu Josef Fritzl til kanna hvort satt sé að hún hafi í raun og veru ekkert vitað um þann hrylling sem átti sér stað í kjallara þeirra hjóna.

Bjó í 12 ár fyrir ofan kjallarafangelsið

Alfred Dubanovsky, 42 ára starfsmaður á bensínstöð, bjó í tólf ár aðeins örfáa metra frá Elísabetu Fritz og þremur börnum hennar í Amstetten í Austurríki.

Hélt dótturinni fanginni til að forða henni frá fíkniefnum

Austurríkismaðurinn Josef Fritzl hélt dóttur sinni fanginni í kjallara í 24 ár til þess að koma í veg fyrir að hún ánetjaðist fíkniefnum. Þannig hljómuðu skýringar Fritzl þegar hann var leiddur fyrir dómara í Austurríki í dag.

Vill hitta Elísabetu Fritzl

Frönsk kona, sem mátti þola kynferðislega misnotkun af hendi föður síns í 28 ár og ól honum 6 börn, hefur óskað eftir að hitta dóttur Jósefs Fritzl.

Kerstin Fritzl ekki hugað líf

Læknar í Austurríki telja ólíklegt að Kerstin Fritzl lifi af veikindi sín. Hún hefur verið í dauðadái á sjúkrahúsi síðan hún var leyst úr kjallaraprísund föður síns.

Fritzl var dæmdur kynferðisbrotamaður

Josef Fritzl, sem handtekinn var í fyrradag fyrir að halda dóttur sinni fanginni í kjallara í 24 ár og eignast með henni sjö börn, á að baki sakaferil.

Ekki mjög orðheppinn kanslari

Kanslari Austurríkis sagði í dag að ríkisstjórnin ætlaði að hrinda af stað ímyndarherferð til þess að endurheimta heiður landsins í samfélagi þjóðanna.

Hvað vissi mamman í Austurríki?

Rosemarie Fritzl segir að hún hafi ekki haft hugmynd um að eiginmaður hennar hélt dóttur þeirra fanginni niðri í kjallara húss þeirra í 24 ár.

Lét dótturina aðstoða við að reisa dýflissuna

Josef Fritzl, skrímslið frá Amstetten, fékk hjálp frá Elisabeth dóttur sinni við að innrétta dýflissuna þar sem hún mátti hýrast næstu 24 árin. Breska dagblaðið The Sun greinir frá þessu í dag og hefur eftir rannsóknarmönnum í málinu. Elisabeth var 18 ára gömul þegar faðir hennar fékk hana til að aðstoða sig við að innrétta húsnæðið í kjallara heimilis þeirra.

Mest lesið


Fleiri fréttir

Sjá meira


×

Mest lesið