Nýr og betri Vísir.is

Nýr, öflugri og stílhreinni Vísir.is birtist landsmönnum í dag eftir gagngera endurskoðun á uppbyggingu, útliti og innihaldi. Stóraukin áhersla er á almennan fréttaflutning, íþrótta- og viðskiptafréttir.

Að baki fréttahluta Vísis er 60 manna fréttastofa NFS auk Fréttablaðsins en að jafnaði hafa um tíu þrautreyndir fréttamenn það meginhlutverk að skrifa fréttir á Vísi. Fréttir birtast bæði í textaformi og sem sjónvarpsinnslög sem hægt er að sjá og heyra á netinu.

„Nýtt fyrirkomulag fréttaþjónustu á Vísi hefur þegar sannað gildi sitt því Vísir er hvað eftir annað fyrstur með fréttirnar,“ segir Stefán Hjörleifsson framkvæmdastjóri D3, sem er útgefandi vefsins. „Við getum því með góðri samvisku tekið upp hið gamalgróna slagorð Vísir, fyrstur með fréttirnar,“ bætir Stefán við.

„Neytendur sækja fréttir í auknum mæli á netið,“ segir Þórir Guðmundsson varafréttastjóri NFS. „Nýtt útlit Vísis gerir okkur enn betur fært að koma fréttum á framfæri, hvort sem um er að ræða hefðbundinn texta, sjónvarpsfrétt eða beina útsendingu af vettvangi atburðanna.“

Blogcentral slær metBlogcentral.is sem átt hefur lögheimili á Vísi undanfarin misseri hefur einnig verið stórendurbætt og í síðustu viku var slegið aðsóknarmet þegar ríflega 165.000 einstakir notendur sóttu blogcentral heim. Með nýjum Vísi verður tenging við blogcentral enn nánari.

Vísir verður því áfram mikilvægur vettvangur skoðanaskipta og þar verður áfram hægt að blogga, nota frípóst, birta smáauglýsingar, leita að fasteignum, finna sjónvarps- og útvarpsdagskrána og taka þátt í umræðu um málefni dagsins.

Vísir – aldrei vinsælli Í síðustu viku sló Vísir eigið aðsóknarmet þegar 231.688 notendur nýttu sér þjónustu vefjarins skv. samræmdri vefmælingu Modernus. Vísir hefur því aldrei verið vinsælli og munar mest um stórbætta fréttaþjónustu sem landsmenn virðast kunna vel að meta.

Vísir er nú á áttunda ári og því með eldri vefjum landsins. Um mitt ár var 2004 voru gerðar umfangsmiklar endurbætur þegar vefurinn var endurskrifaður en byggður að hluta á gömlum grunni. Meðal nýjunga á „nýjum Vísi“, voru m.a. VefTV þar sem notendur geta nálgast myndskeið, þætti og kvikmyndir,

Mikil þróun hefur verið á vefnum undanfarin og mörk hefðbundins sjónvarps, útvarps og vefmiðla að minnka.

Nýr og betri Vísir er því aðeins fyrsta skrefið að stóraukinni þjónustu við notendur vefjarins.