James fór á kostum í 4. leikhluta

LeBron James var heldur betur í stuði í 4. leikhlutanum á leik Cleveland og Boston, en hann skoraði þá 19 af 36 stigum sínum í leiknum og tryggði Cleveland sigur 94-82. Paul Pierce var stigahæstur í liði Boston með 24 stig.

Detroit vann fjórða leik sinn í röð þegar það lagði Indiana 75-72. Rip Hamilton skoraði 15 stig fyrir Detroit, en David Harrison skoraði 14 stig fyrir Indiana.

Orlando vann auðveldan sigur á Philadelphia 102-86. Chris Webber skoraði 23 stig og hirti 15 fráköst fyrir Philadelphia en Jameer Nelson skoraði 19 stig fyrir Orlando og Dwight Howard hirti 19 fráköst.

Toronto burstaði heillum horfið lið Minnesota 97-77. Morris Peterson skoraði 21 stig fyrir Toronto en Kevin Garnett var með 15 stig og 13 fráköst fyrir Minnesota.

Miami vann auðveldan sigur á Charlotte 114-93. Dwayne Wade skoraði 24 stig fyrir Miami og Raymond Felton skoraði 23 stig fyrir Charlotte.

Memphis vann auðveldan útisigur á New York í beinni útsendingu á NBA TV 91-75. Pau Gasol skoraði 36 stig fyrir Memphis en Eddy Curry skoraði 19 stig fyrir New York.

Chicago vann New Orleans 96-82. Ben Gordon skoraði 25 stig fyrir Chicago en Chris Paul skoraði 13 stig fyrir New Orleans.

Denver lagði Seattle 117-104. Carmelo Anthony skoraði 31 stig fyrir Denver en Luke Ridnour skoraði 18 stig fyrir Seattle.

San Antonio lagði Portland 98-79. Brent Barry skoraði 23 stig fyrir San Antonio en Juan Dixon skoraði 24 stig fyrir Portland, sem hefur tapað sjö leikjum í röð.

Loks skoraði Kobe Bryant 43 stig fyrir LA Lakers í sigri liðsins á Milwaukee 101-96. Michael Redd skoraði 20 stig fyrir Milwaukee.