Ragnar Sær sækist eftir 5. sætinu

Ragnar Sær Ragnarsson, sveitarstjóri Bláskógabyggðar, hefur ákveðið að gefa kost á sér í fimmta sæti í prófkjöri Sjálfstæðisflokksins vegna borgarstjórnarkosninganna næsta vor, en prófkjörið fer fram í byrjun nóvember næstkomandi. Ragnar Sær hefur undanfarin sjö ár starfað sem sveitarstjóri, fyrst í Biskupstungnahreppi og síðan í Bláskógabyggð. Hann lét af þeim störfum 1. ágúst síðastliðinn til að einbeita sér að prófkjörinu og þeim breytingum sem hann telur nauðsynlegar til að skapa skarpari framtíðarsýn fyrir Reykjavíkurborg.