Tennis - góð hreyfing

1. Tennis er skemmtileg íþrótt og mikil hreyfing. Tryggir mikla brennslu og hjálpar upp á jafnvægið. 2. Þú getur platað góða vini þína eða maka til að fara í tennis með þér. Tennis krefst þess augljóslega að þú hafir einhvern til að spila við og því upplögð ástæða til þess að fara að æfa með einhverjum. Afsakanir á borð við að maður nenni ekki að æfa einn eiga þá heldur ekki lengur við. 3. Það er eitthvað skemmtilega smart við tennis. Fötin til dæmis eru með því fallegra sem tíðkast í sportheiminum. 4. Auðvelt er að hafa upp á tennisvöllum erlendis þannig að ef maður er á ferðalagi og er leiður á að hanga á ströndinni í leti - þá er hægt að grípa til spaðanna og hreyfa sig. 5. Tennis er keppni. Það er svo skemmtilegt að keppa við andstæðing - gefur hreyfingunni aukið gildi. Passaðu bara að missa ekki stjórn á keppnisskapinu. Tennis á ÍslandiSporthúsið og Tennisfélag Kópavogs standa í sumar fyrir nokkrum námskeiðum fyrir byrjendur í tennis. Á hverju námskeiði er einn tennisþjálfari og fjórir til fimm manns. Námskeiðin eru fimm skipti og kosta 7.990. Nánari upplýsingar eru hjá Jónasi í síma 564 4030 eða 699 4130. Einnig er hægt að senda fyrirspurn á tennis@isl.is.