„Við þurfum að gera margt betur“

„Þetta var jafnt í fyrri hálfleik. Grindavík gerðu vel og margt sem ég var ósáttur við, hvernig við spiluðum í fyrri hálfleik. Svolítið ánægður með samt að við stigum upp og reyndum að gefa aðeins meira í. Einbeittari og „agressívari“, sérstaklega varnarlega.“

KR-ingar misstu Þóri Guðmund meiddan út af eftir aðeins um fimm mínútur en Jakob var óviss með stöðuna á honum.

„Ég bara veit það ekki. Hann fann eitthvað til í kálfanum og svo bara sjáum við til. Ég hef ekki hugmynd!“

Friðrik Anton Jónsson átti frábæran leik í kvöld og setti sjö þrista. Er þetta það sem koma skal í vetur?

„Vonandi og bara meira! Frikki er mjög góð skytta, ég held að það viti það allir í þessari deild. Ef hann fær opið skot er það gott skot fyrir okkur og skot sem við viljum að hann taki, alltaf. Hann fékk fullt af þeim í kvöld og náði að setja einhver sjö stykki og það er bara mjög jákvætt.“

Það dró mjög greinilega af Grindvíkingum eftir því sem leið á leikinn og Jakob tók undir að breidd KR liðsins hafi vegið þungt í kvöld.

„Við erum með mjög góða breidd og marga stráka á bekknum sem standa sig gríðarlega vel á æfingum og æfa mjög vel. Þetta er bara partur af okkar prógrammi sem við erum með í KR. Við erum með annað verkefni, KV í 1. deildinni sem þessir strákar njóta góðs af. Þeir eru hungraðir og fá fullt af spilatíma þar. Þeir bíða eftir tækifærinum hér og hafa verið að grípa þau. Hafa staðið sig gríðarlega vel á undirbúningstímabilinu í þeim leikjum og sýndu það líka hér í kvöld.“

Það er skammt stórra högga á milli hjá KR en liðið mætir aftur til Grindavíkur næsta föstudag þegar deildin rúllar af stað.

„Ég býst við aðeins öðruvísi Grindavíkurliði á föstudaginn. Við þurfum að gera margt betur. Við þurfum að halda áfram að bæta okkur. Sérstaklega eins og við vorum í fyrri hálfleik. Þurfum að vera aðeins meira „on it“ og setja tóninn mun fyrr í leiknum á föstudaginn.“