„Gaman að fara í svona úrslitaleiki“

Árni Gísli Magnússon skrifar 25. september 2026 21:28

Hildur var að vonum sátt eftir leikinn. Mynd/Fram

Fram sótti 2-1 sigur norður yfir heiðar gegn Þór/KA í neðri hluta Bestu deildar karla og tryggði þar með áfram veru sína í Bestu deildinni að ári þegar ein umferð er eftir. Þór/KA þarf að bíða með örlög sín fram í lokaumferðina.

Hildur María Jónasdóttir, fyrirliði Fram, spilaði allan leikinn á miðjunni og var hæstánægð með að hafa tryggt sætið í Bestu deildinni.

„Bara frábærar, gott að vera búin að tryggja þetta og fara ekki í eitthvað stress í síðasta leik. Við vissum að við gætum þetta og bara gott að klára þetta.“

Fram gat tryggt sæti sitt í Bestu deildinni með sigri og hagstæðum úrslitum í leik Vals og Víkings sem varð raunin þar sem jafntefli varð niðurstaðan þar. Hildur segir mikla spennu hafa ríkt innan liðsins fyrir leiknum í kvöld.

„Það vara bara geggjað. Gaman að fara í svona úrslitaleiki og gaman að geta tryggt þetta svona og klárað þetta áður en að síðasti leikurinn var þannig það var bara mikil spenna fyrir þessum leik, það var bara geggjað.“

Fram liðið féll rosalega neðarlega á völlinn síðasta hálftímann eða svo og viðurkenndi Hildur að hafa verið smá áhyggjufull um að Þór/KA næði að skora jöfnunarmark.

„Já svolítið, við hefðum alveg mátt vera búin að gera út um þennan leik í fyrri hálfleik en við eigum þetta til og okkur finnst gaman að hafa smá spennu í leiknum“, sagði Hildur létt í bragði.

Gulrót að fella Val

Fram mætir Val í síðasta leik tímabilsins. Valur er að berjast fyrir lífi sínu á meðan Fram er hólpið og kemur því liðið pressulaust inn í leikinn.

„Bara spila fótbolta, njóta þess, hafa gaman og ætlum okkur auðvitað að taka sigur þar og enda með sem flest stig. Þannig bara njóta þess að spila fótbolta.“

Væri það gulrót að fella Val?

„Það væri gulrót!“ Sagði Hildur og hló.

Hildur var heilt yfir sátt með frammistöðu liðsins í dag.

„Já ég er það. Eins og ég segi hefði ég verið til í að vera búin að klára þetta. Fáum þarna klaufalegt víti á okkur í fyrri hálfleik. Við hefðum alveg mátt vera búnar að klára gera út um þennan leik í fyrri hálfkeik bara 3-0 fannst mér en bara gott að taka sigur og gott að klára þetta þannig ég er bara sátt.“

Fram liðið fagnaði með stuðningsmönnum sínum undir flóðljósunum á VÍS vellinum eftir leikinn sem Hildi leiddist ekki enda að norðan sjálf.

„Já geggjað. Ég er Húsvíkingur þannig að gott að fá ömmu og afa á leikinn og gaman að gera þetta með þeim“.

Besta deild kvenna Fram