Njarð­vík spáð toppsætinu og ný­liðarnir verma botninn

Bónus-deild kvenna hefst svo á þriðjudaginn en mikil spenna er fyrir komandi tímabili. Formenn, fyrirliðar og þjálfarar í Bónus-deild kvenna hafa spáð fyrir hvernig deildin mun fara og er Njarðvík spáð toppsæti deildarinnar. Þar á eftir er Grindavík og KR í þriðja.

Samkvæmt spánni verða miklar sviptingar frá því hvernig deildin endaði á síðasta tímabili en Njarðvík er aftur spáð toppnum. Val, sem lenti í öðru sæti í deildinni á síðasta tímabili, er nú spáð sjöunda sæti. Grindavík endaði síðasta tímabil í fimmta sæti en er spáð öðru sætinu á þessu tímabili.

Nýliðunum í Fjölni er spáð í neðsta sæti deildarinnar og er lítil von innan deildarinnar að liðið nái að fara hærra.