Kanónur og ungstirni í ótrú­legri bar­áttu um Ís­lands­meistara­titil

Aðeins þrjú stig skilja að topplið deildarinnar, sameinað lið Breiðabliks, Augnabliks og Smára niður í sjöunda sætið þar sem að sameinað lið Þróttar R./ SR og Hamars er.

Mikil gæði eru í deildinni og má sem dæmi nefna leikmenn á borð við Arnar Bjarka Gunnleifsson hjá Breiðabliki sem er markahæsti maður deildarinnar og á leið til Bröndby í upphafi næsta árs.

Liðsfélagi hans, Þór Andersen Willumsson, á ekki langt að sækja knattspyrnuhæfileikana. Bræður hans í atvinnumennsku og faðir hans, Willum Þór Þórsson skapað sér stórt nafn í boltanum hér heima.

Hjá sameinuðu liði ÍA/Kára/Skallagríms og Víkings Ólafsvíkur er að finna annað hæfileikabúnt í Rafael Mána Þrastarssyni sem hefur raðað inn mörkum og einnig verið hluti af meistaraflokki ÍA á tímabilinu. Rafael gekk í raðir ÍA frá Fjölni eftir að hafa heillað í Lengjudeilinni í fyrra.

Þessi listi af leikmönnum ekki tæmandi og er litið er á þjálfarateymi liðanna er nóg um kanónur þar á borð við fyrrverandi atvinnu- og landsliðsmanninn Ívar Ingimarsson, Guðjón Árna Antoníusson, sem gerði garðinn frægan hér heima og varð bæði Íslands- og bikarmeistari er þjálfari Kelfavíkur/Reynis/Hafnar. 

Matthías Vilhjálmsson er þjálfari Víkings/BF108 og hjá Skagamönnum er það Úlfur Arnar Jökulsson sem er þjálfari og hann nýtur liðsinnis Alberts Hafsteinssonar og stórstjörnunnar Sigurðar Jónssonar. Markarefurinn Steven Lennon er svo þjálfari FH og hjá sameinuðu liði KA er fyrrverandi atvinnu- og landsliðsmaðurinn Atli Sveinn við Þórarinson við stjórnvölin.

Þessi listi heldur ekki tæmandi. Sjón er sögu ríkari og hvetjum við ykkur til þess að skoða A-deildina í 2.flokki betur. Spennandi vikur framundan þar.