Tíska og hönnun

Sól sló í gegn á tísku­viku í London

Dóra Júlía Agnarsdóttir skrifar
Fatahönnuðurinn Sól Hansdóttir sló í gegn með nýrri fatalínu á tískuvikunni í London í fyrradag.
Fatahönnuðurinn Sól Hansdóttir sló í gegn með nýrri fatalínu á tískuvikunni í London í fyrradag. Vísir/Vilhelm

Fatahönnuðurinn Sól Hansdóttir hefur vakið athygli undanfarin ár og er meðal annars í miklu uppáhaldi hjá fyrrum forsetafrúnni Dorrit Moussaieff. Sól, sem heitir réttu nafni Sólveig Dóra, hefur sýnt línur sínar víða um heim og var með vel sótta sýningu á tískuvikunni í London í fyrradag.

Sól notast við vistvænar leiðir í umhverfisvænni tískulínu sinni og nýju flíkurnar eru sérstaklega hannaðar með það í huga að geta notað þær á marga vegu. Pils gæti þannig orðið að hálskraga eða ermum og þar fram eftir fötum. 

Meðal gesta á sýningunni var Vogue-penninn Mosha Lundström sem var mjög hrifin af flíkum Sólar, eins og sjá má hér fyrir neðan:

Þá fjallaði tískurisinn Vogue sömuleiðis ítarlega um hönnun Sólar á alþjóðlegu heimasíðu sinni. 

„Þetta snýst ekki um að kaupa heilt nýtt lúkk. Flíkurnar eiga að opna á nýjar leiðir til að leika sér með það sem til er í fataskápnum. Ég er mjög spennt fyrir því að gefa þeim sem klæðast flíkunum algjört frelsi til að velja hvernig þeir vilja nota þær. Mér líður eins og þetta sé framtíðin,“ segir Sól í samtali við Vogue. 

 Sýning Sólar bar heitið Everything can exist, eða allt getur verið til, og var hönnuðurinn full þakklætis að sýningu lokinni. 

Sól Hansdóttir var viðmælandi í Vísis-þáttunum KÚNST fyrir tæpum þremur árum þar sem hún gaf áhorfendum innsýn í sitt listræna ferli. Hægt er að sjá þáttinn í athugasemd hér að neðan:

 

Tíska og hönnun Íslendingar erlendis Bretland Dorrit Moussaieff

Tengdar fréttir

Sól meðal tískuhönnuða erlendis sem vert er að fylgjast með

Fatahönnuðurinn Sól Hansdóttir vakti mikla athygli fyrir sýningu sína á Tískuvikunni í Kaupmannahöfn í síðustu viku. Forsvarsmenn hátíðarinnar völdu Sól sem ein af þeim hönnuðum sem áhugavert er að fylgjast með og hún sýndi hönnun sína í arkítektúr- og hönnunarmiðstöðinni Blox við höfnina. 

Sól Hansdóttir er fatahönnuður Reykjavíkurdætra: Kvenkyns erkitýpur fá að skína

Listakonan og fatahönnuðurinn Sól Hansdóttir er með mörg járn í eldinum og býr yfir mikilli sköpunargleði. Hennar nýjasta verkefni er að hanna fötin sem Reykjavíkurdætur klæðast í Söngvakeppninni en Sól er þekkt fyrir frumlega hönnun sem vekur athygli út fyrir landsteina. Blaðamaður heyrði í Sól og fékk að heyra nánar frá hennar listræna ferli.

Robyn í hönnun Sólar Hansdóttur

Sænska súperstjarnan Robyn er með rosalega endurkomu inn í tónlistarheiminn um þessar mundir með splunkunýrri plötu sem nýtur mikilla vinsælda. Robyn er mikill tískuspegúlant og hefur greinilega frábæran smekk en hún rokkaði bol frá íslenska hönnuðinum Sól Hansdóttur á dögunum.

Hannar hátískuflíkur úr ull fjölskyldusveitarinnar

Fatahönnuðurinn Sól Hansdóttir var ung að árum harðákveðin í því hvernig hún vildi klæða sig og hefur alla tíð verið óhrædd við að fara eigin leiðir. Sól hefur verið með annan fótinn í London síðustu ár og stefnir á erlendan markað með hönnun sína en hún er viðmælandi í nýjasta þætti af Kúnst.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.