Boxari látinn 33 ára: Varð fyrir al­var­legum heila­skaða í bar­daga

Colon hafði unnið alla sextán bardaga sína þegar hann mætti Terrel Williams 2015.

Williams sló Colon ítrekað í hnakkann í bardaganum en slapp við refsingu. Tvö stig voru hins vegar dregin af Colon fyrir neðanbeltishögg.

Williams sló Colon niður í 9. lotu. Teymi hans hélt að bardaginn væri búinn og tók af honum hanskana. Colon var í kjölfarið dæmdur úr leik.

Í búningsklefanum eftir bardagann kastaði Colon upp og hné svo niður. Hann var fluttur á spítala þar sem í ljós kom að blætt hafði inn á heila hans. 

Colon gekkst undir bráðaaðgerð og að henni lokinni féll hann í dá sem stóð í 221 dag.

Eftir að hann vaknaði úr dáinu gat Colon ekki talað án aðstoðar tölvu og fjölskylda hans annaðist hann allt til dánardags.