Von Völsungs lifir góðu lífi

Tómas Bjarni Baldursson kom Völsungi yfir í leik dagsins eftir rúmlega kortersleik. Arnþór Ari Atlason jafnaði fyrir HK skömmu fyrir hlé og 1-1 stóð í hléi.

Tumi Þorvarsson veitti gestunum forystuna snemma í síðari hálfleik, á 52. mínútu leiksins, en tíu mínútum síðar var staðan orðin 3-2 fyrir heimamenn þökk sé mörkum Inigo Albizuri Arruti og svo frá Elfari Árna Aðalsteinssyni.

Mark Elfars reyndist munurinn á liðunum og Völsungur vann 3-2 sigur. Liðið er með 14 stig í 11. sæti deildarinnar, efra fallsætinu, þremur frá Grindavík sem er í neðsta örugga sætinu.

HK er með 28 stig í fimmta sæti, neðsta umspilssæti deildarinnar, en Grótta er tveimur stigum neðar og á leik inni við topplið Aftureldingar og getur því komist upp fyrir HK með sigri.