UFC tapaði 3,7 milljörðum á bar­daga­kvöldinu í Hvíta húsinu

Alls sóttu 4.300 manns bardagakvöldið sem fram fór á lóð Hvíta hússins. Donald Trump Bandaríkjaforseti var viðstaddur sem og JD Vance, varaforseti Bandaríkjanna. Bardagakvöldið var liður í hátíðarhöldum vegna 250 ára afmælis Bandaríkjanna.

Almenningi gafst ekki kostur á að kaupa miða á bardagakvöldið en þangað mættu einungis boðsgestir.

Talið er að kostnaður við Freedom 250 hafi hlaupið á sextíu milljónum Bandaríkjadala. UFC tókst hins vegar að vega á móti því með samningum við styrktaraðila, sýnileika í fjölmiðlum og öðru samstarfi. 

Fjármálastjóri UFC, Andrew Schleimer, sagði hluthöfum í gær að tapið við Freedom 250 næmi þrjátíu milljónum Bandaríkjadala eins og við hafði verið búist. Þrjátíu milljónir Bandaríkjadala samsvara rúmlega 3,7 milljörðum íslenskra króna.

Freedom 250 var sýndur á streymisveitunni Paramount+ en talið er að 34 milljónir manns hafi horft á bardagakvöldið þar.

Trump og Dana White, forseta UFC, er vel til vina en White er mikill stuðningsmaður Trumps.