Fótbolti

Elías hafði betur gegn Guð­laugi Victori

Ingvi Þór Sæmundsson skrifar
Elías Rafn Ólafsson er aðalmarkvörður Midtjylland sem varð danskur bikarmeistari á síðasta tímabili.
Elías Rafn Ólafsson er aðalmarkvörður Midtjylland sem varð danskur bikarmeistari á síðasta tímabili. epa/ADAM VAUGHAN

Landsliðsmarkvörðurinn Elías Rafn Ólafsson stóð á milli stanganna hjá Midtjylland sem sigraði Horsens, 2-1, í Íslendingaslag í dönsku úrvalsdeildinni í dag.

Guðlaugur Victor var í byrjunarliði Horsens sem mætti á heimavöll Midtjylland í dag. Gestirnir fóru stigalausir heim eftir 2-1 tap.

Midtjylland hefur unnið báða leiki sína í dönsku úrvalsdeildinni á tímabilinu á meðan Horsens er með eitt stig.

Kolbeinn Þórðarson byrjaði inn á hjá Gautaborg sem fékk Degerfors í heimsókn í dag. Heimamenn unnu 2-0 sigur.

Kolbeinn lék fyrstu 64 mínútur leiksins. Hann hefur verið í byrjunarliðinu í síðustu þremur leikjum Gautaborgar. Liðið er í 13. sæti deildarinnar með sextán stig, sex stigum á undan næstu liðum fyrir neðan.

Daníel Tristan Guðjohnsen sat allan tímann á varamannabekknum þegar Malmö sigraði Brommapojkarna, 1-2, á útivelli. Malmö er í 5. sæti.

Danski boltinn Sænski boltinn

Mest lesið


Fleiri fréttir

Sjá meira


×

Mest lesið