Strákarnir spila um fimm­tánda sætið

Ljóst var fyrir leik dagsins að liðið sem ynni myndi spila um 13. sætið en tapliðið um það 15.

Ísland hóf leikinn töluvert betur og leiddi 25-9 eftir fyrsta leikhlutann. Makedónar svöruðu hins vegar rækilega fyrir sig með því að skora 35 stig gegn tólf í öðrum leikhlutanum.

Úr varð spennandi leikur en Norður-Makedónía leiddi þó allt til loka. Ísland mun því spila við Aserbaídsjan á morgun í síðasta leik mótsins upp á 15. sætið.

Sturla Böðvarsson og Leó Steinsen voru stigahæstir í liði Íslands með 14 stig hvor í dag.