Milka farinn frá Njarð­vík

Njarðvík greindi í dag frá því að Milka og Dwayne Lautier-Ogunleye væru horfnir á braut. Sá síðarnefndi, sem var stigahæsti leikmaður Bónus deildarinnar á síðasta tímabili, er genginn í raðir Vals.

Eftir að hafa spilað með Keflavík í fjögur ár samdi Milka við Njarðvík fyrir tímabilið 2023-24. Hann lék í þrjú ár með Njarðvíkingum.

Á síðasta tímabili var Milka með 14,2 stig, 8,4 fráköst og 3,3 stoðsendingar að meðaltali í leik. Njarðvík endaði í 8. sæti Bónus deildarinnar og féll úr leik fyrir Grindavík í átta liða úrslitum, 3-1.

Njarðvík hefur fengið tvo bakverði fyrir komandi tímabil. Annars vegar Tékkann Spencer Svejcar og hins vegar Bandaríkjamanninn Makye Richard.

Þá hefur Njarðvík samið við Huga Hallgrímsson frá Haukum. Á síðasta tímabili skoraði hann 15,1 stig, tók 6,8 fráköst, gaf 2,7 stoðsendingar og varði 1,6 skot að meðaltali í leik í 1. deildinni.