Sport

Sonurinn skaut móður sína

Henry Birgir Gunnarsson skrifar
Eric Bieniemy er hér á hliðarlínunni í leik. Hann er einn besti sóknarþjálfari NFL-deildarinnar.
Eric Bieniemy er hér á hliðarlínunni í leik. Hann er einn besti sóknarþjálfari NFL-deildarinnar. vísir/ap

Eric Bieniemy, sóknarþjálfari Kansas City Chiefs, yfirgaf æfingabúðir félagsins í gær er konan hans var skotin á heimili þeirra. Nú kemur í ljós að um mikinn fjölskylduharmleik er að ræða.

Hin 57 ára gamla Mia Bieniemy er sögð vera í stöðugu ástandi á gjörgæslu en ástand hennar var alvarlegt í gær.

Í gær var sonur Bieniemy-hjónanna, Elijah, handtekinn fyrir að hafa skotið móður sína. Hann er 27 ára gamall.

„Hugur okkar allra er hjá Eric Bieniemy,“ sagði Andy Reid, aðalþjálfari Chiefs, en hann hefur unnið með Bieniemy í mörg ár.

„Mia er í stöðugu ástandi sem er mjög jákvætt. Við elskum allir Eric og það er ömurlegt að hann sé að ganga í gegnum þessa hluti. Hann kemur aftur til okkar er hann vill og getur. Hann þarf að sinna konunni sinni sem er dýrlingur.“

NFL

Mest lesið


Fleiri fréttir

Sjá meira


×

Mest lesið