Aron Einar spilar ekki fleiri leiki með Þór í sumar

Aron Einar Gunnarsson hefur samið við félagið Qatar SC í Katar og verður því ekki með í fleiri leikjum Þórsara í Bestu deildinni. Þetta kemur fram á akureyri.net.

Aron Einar missir því af Akureyrarslagnum gegn KA í Bestu deildinni á mánudagskvöldið.

Aron tók því aðeins þátt í einum leik með uppeldisfélaginu að þessu sinni en það var frábær 2-1 sigur liðsins á Íslandsmeisturum Víkings sem er eini leikurinn sem topplið Víkinga hefur tapað í deildinni í sumar.

Qatar SC er þriðja liðið sem Aron Einar semur við í Katar en hann hefur leikið bæði með Al-Arabi og Al Gharafa.